自由，一樣每個人都追求既野，包括我。
以前細個個時聽到呢個詞，就會覺得自己無自由，因為屋企﹑其他人既期待﹑學校﹑一切一切限制住我既外界勢力。
覺得俾人管住，唔準我做咩唔準我呢樣個樣。咁樣做人無自由;覺得要做自己想做，想點就點就係自由。
但因為世界唔係得我自己一個，
所以一直都覺得自己無自由，於是不斷追求，但其實我追求緊既並唔係真正既自由，相反，只係做左一個任性﹑唔理人感受既人。
自由，唔係人地給予﹑亦唔係人地可以限制; 自由，只有自己可以俾自己。
人地既控制﹑管束唔會令我變成一個無自由既人，
我之所以無自由，係因為我自己唔肯放過自己。
行為上的自由唔能夠帶來內心既自由，
內心要真正放開，先可以得到真正既自由。
唔可以改變人地，唯有改變自己既心，點解人地既管束就令到你唔自由?
只要我地改變心中刻板印象，有時別人既管束都可以係一種自由。
但內心既自由係人地俾唔到，一定要自己去領悟。
有個人曾經同我講過，佢係一個需要自由既人，
但可惜，佢最終得到只係滿足左行為上既自由，而唔係內心真正既自由。
即使處於坐監既人都可以感受到自由，困住左身體，但唔會困得住內心，所以，只有內心堅強既人先配得到真正既自由。
我會加油，終有日我都可以係個自由人。
