減肥開始:2013年8月
開始時體重:130 lbs / 59kg
身高: 167 cm
現時體重: 116 lbs / 52kg
最低體重: 114 lbs/ 51kg
我的減肥原因:
一直以來,因為生得高大,所以大家都會說:你不是胖,你只是大隻!
老實講,我聽到並沒有覺得比較開心。
有次去完台灣之後看到照片(就是上圖),我突然意會到自己有多胖。
於是便決心減肥,但其實主要原因是想要鬥氣,因為我就不相信我做不到。
當時有個想法:人有自制能力,否則跟禽獸沒什麼分別。如果我連自己體重都掌控不到,這個世界上我還有甚麼可以自己去決定?本著這個想法,我下定決心,展開漫長又痛苦的減肥之旅。
首先,在開始之前,有三樣很重要的東西你必須要準備:
1)電子磅!!!!!(你的最真實戰友)
2)戰友!!!!!!(陪你一起減肥,說是戰友,其實是你的競爭對手)
3)不成功便成仁的堅毅決心!!(因為這是一條又孤獨又漫長的路)
我的瘦身策略:
Stage 1: (6個月)
飲食:
早餐+午餐-->食到飽(7-8成左右)
我沒有跟任何餐單,沒有戒口,想食的都可以食,當然不能太過份,
但如果想食個雪糕﹑飲杯可樂是無問題的。
唯一的規則要嚴格遵守的就是!!!!!
中午3點後不能進食任何東西!!!!!!!!!!!!
吓?!會餓死架喎!
係唔會嘅,因為我都未死。
但我又唔係咁嚴格,飲杯奶都得。
咁食菜唔食飯唔食肉得唔得?
得!
你唔減都得!
可以食飽佢!
我都講過,減肥最緊要係決心!
怕辛苦係做唔到的…
中午3點過後除左流質食品,其他所有食物都唔可以放入口!
咁咪營養唔夠囉?!
點會呀?
你唔記得你早餐同午餐啦?
早餐同午餐就係你攝取一日所需的時候了!
例子:
早餐
有澱粉質(方包)﹑蕉和藍莓(水果)﹑蛋白質(蛋)﹑乳酪
這樣子又豐富又有營養!
午餐就照平常食就可
建議:一天之內必須食齊
- 澱粉質(飯麵)
- 菜
- 肉
- 生果
- 以及自己喜歡的食物
一個星期我會有一天放縱: 快樂星期五!!
這天過了三點還是可以吃的,但不能太誇張
如果我想食個甜品,和朋友食飯等等就可以安排這天!
當然都是可而止。
減肥時推薦食物:
- 刺身(營養豐富又好食)
- 泡菜 (韓妹都靠佢)
- 梳打餅 (卡路里低又飽肚的小食)
- 豆腐 (蛋白質高但卡路里低)
運動方面:
每星期2-3次跑步,整個過程大約1-1.5小時。
我最高峰時一星期4-5次,大家量力而為。
可唔可以做其他運動?
我只可以說跑步是最有效的,因為我和我的戰友都因為跑步而瘦下不少!
溫馨小提示:緩步跑+跑步完按摩以及拉筋
這是三個月後的對比,明顯清減一點。
這時應該是125 lbs 左右。
Stage 2:
經過半年沒有晚餐的痛苦經歷,當時的我已經非常習慣不食晚餐,現在可以慢慢回復一日三餐的正常生活。
但有2大點要遵守:
1. 計算卡路里
3500卡等於一磅
我每日攝取1500卡左右
如果一星期要減一磅
我要少食500卡(3500/7)
即每日只可以攝取1000卡路里
這個時候我會選擇一些飽肚又低卡的食物(上面有提及過)
2. 倒金字塔進食
早餐食最多
午餐減一半
沒有留言:
張貼留言